رننگ کرتے ہوئے سانس لینے کی صحیح ٹیکنیک

جب ہم نارمل سانس لیتے ہیں تو  پھیپھڑے کے اوپر والے حصے کا استعمال کرتے ہیں جس سے جسم کو ضرورت کے مطابق آکسیجن مل جاتی ہےاور ہماری باڈی نارمل  رہتی ہے  اور جسم کی تما م تر سرگرمیاں اچھے طریقے سے ہو جاتی ہےجبکہ ہمارے پھیپھڑوں کو آکسیجن سٹور کرنے کی صلاحیت 06 لیٹر ہوتی ہےجب ہم نارملی سانس لیتے ہیں تو آدھا لیٹر لیتے ہیں اور آدھا لیٹر کاربن ڈائی آکسائیڈ چھوڑ دیتے ہیں بتانے کا مطلب یہ ہے کہ جتنا ہم نے سانس لیا اتنا ہی واپس کر دیا اس  کنڈیشن میں آکسیجن اور کاربن ڈائی آکسائیڈ کا توازن برقرار رہتا ہے لیکن جب ہم دوڑتے ہیں تو جلدی جلدی سانس لینا شروع کر دیتے ہیں۔جب ہم جلدی جلدی سانس لیتے ہیں تو منہ سے زیادہ سانس کھینچ لیتے ہیں مگر کاربن ڈائی آکسائیڈ کو ٹھیک سے نہیں چھوڑ پاتے  اس کنڈیشن میں پھیپھڑوں میں ضرورت سے زیادہ ہوا بھر جاتی ہے۔جس سے آکسیجن اور ہوا کا توازن بگڑ جاتا ہے اس کی وجہ سے نئی آکسیجن پھیپھڑوں میں کم آپاتی ہےتو اس دوران پھیپھڑے ٹھیک سے کام نہیں کرتےاور آپ کی باڈی تھک جاتی ہے  اور آپ کی سانس پھولنا شروع ہو جاتی ہے جس سے آپ کو رکنا پڑتا ہے۔اس لیے یہ سب سے زیادہ ضروری ہے کہ آپ صحیح طرح سے سانس لیں اور جتنا سانس لیا ہو اسے پوری طرح سے باہر نکالیں۔یہ یاد رکھیں کہ دوڑتے وقت سانس زیادہ لمبا اور گہرا لیں جس سے آکسیجن ہمارے پھیپڑوں میں زیادہ جائےاور ہم ایک ہی سانس میں پانچ سے چھ قدم کی دوری  سے طے کر سکیں۔جتنے اچھے طریقے سے سانس لینا ضروری ہے اتنے ہی اچھے طریقے سے سانس چھوڑنا بھی ضروری ہے۔یاد رکھیں: رننگ کرتے ہوئے ناک سے سانس لینا ہے اور منہ سے خارج کرنا ہے۔

رننگ کرتے ہوئے سر کی پوزیشن

رننگ کرتے ہوئے سر کی پوزیشن کا بھی ایک اہم رول ہوتا ہے کچھ لوگ دوڑتے ہوئے کبھی اوپر دیکھتے ہیں کبھی نیچے اور کبھی دائیں تو کبھی بائیں  اور اپنا سر بھی ادھر اُدھر گھماتے ہیں تو یہ چیز رننگ کے دوران آپ کے لیے نقصان کا باعث بن سکتی ہے۔اگر آ پ ایسا کریں گے تو گردن کےپٹھوں میں کچھاؤ آ سکتا ہےلہذا رننگ کے دوران آپ نے اس چیز سے اجتناب کرنا ہےا ور اس کا خاص خیال رکھنا ہے

رننگ کرتے ہوئے پیروں کا زمین کو چھونا

پوری رننگ ٹیکنیکس میں سے یہ ایک اہم  ٹیکنیک ہےکچھ لوگ اس اُلجھاؤمیں رہتے ہیں کہ رننگ کرتے وقت جب ہم پیروں کی لینڈنگ کراتے ہیں توپہلے لینڈنگ پنجوں کے بل ہونی چاہئے یا پھر ایڑی کے بل اور زیادہ تر لوگ لینڈنگ کرتے وقت پہلے ایڑی کو زمین پر لگاتے ہیں اور پھر پنجے نیچے  آتے ہیں  جو کہ سراسر غلط طریقہ ہےکیونکہ ایڑی زمین پر لگانے سے جسم کا سارا وزن گھٹنوں پر آتا ہے  اور اگر آپ یہی پریکٹس بار بار کر رہے ہیں تو آپ کے گھٹنوں میں خرابیاں آ سکتی ہیں۔ لہذا رننگ کا یہ اصول ہے کہ رننگ کرتے ہوئے آہستہ بھاگے اور پہلے پنجوں کو زمین پر ٹچ کریں جب آخری تین منٹ رہتے ہوں تو قدم لمبا کرلیں اور پورا پیر زمین پر ٹچ کریں اس سے آپ کی پوری باڈی پر یکساں وزن پڑے گااور آپ کے گھٹنوں کو کسی قسم کی پریشانی نہیں ہو گی۔

تیز رفتار بھاگنے کا دورانیہ

رننگ کرتے وقت گھڑی ضرور اپنے پاس رکھیں  اگر آپ 1600 میٹر رننگ کا ٹیسٹ دینے جا رہے ہیں تو یہ ٹیسٹ عموماًمرد حضرات کو 07 منٹ میں جبکہ فی میل  کو اس کے 03 سے 04 منٹ زیادہ دیے جاتے ہیں    ایک بات یاد رکھیں کہ رننگ شروع کرتے وقت کبھی بھی آپ نے اسپیڈ نہیں لگانی بلکہ شروع کرتے وقت آہستہ آہستہ اور پنجوں کے بل دوڑنا شروع کریں اور آخر کے 03 منٹ میں پوری اسپیڈ سے پورے قدم کے ساتھ بھاگیں۔اگر آپ کا ساتھی آگے بڑھ رہا ہے تو اس کے ساتھ اسپیڈ نہیں لگانی بلکہ اپنی کی ہوئی پریکٹس کو ترجیح دینی ہے

انتہائی اہم:رننگ سے پہلے رفع حاجت ضرور کرلیں ۔  رننگ کرنے سے پہلے آپ اگر دودھ یا ملک شیک یا پانی پی رہے ہیں تو اس کی مقدار  ٓدھے گلاس سے زیادہ  نہیں ہونی چاہیےورنہ نقصان کے ذمہ دار آپ خود ہوں گے کیونکہ اس سے آپ کو الٹیاں وغیرہ بھی آسکتی ہیں اور جس دن ٹیسٹ ہوں اس سے پہلے رات کو آپ نے جلد سو جانا ہے تا کہ جسم صبح فریش اور تروتازہ رہیں۔